Real Madrid ka konfirmuar se legjenda e klubit, Álvaro Arbeloa, do të marrë drejtimin e Castillas nga sezoni 2025/26.

Lajmi është bërë i ditur përmes rrjeteve sociale të klubit madrilen, shkruan Arbresh.info.

I rritur në akademinë “La Fábrica”, Arbeloa ka fituar gjithçka si lojtar me Realin dhe Spanjën, përfshirë dy Liga të Kampionëve, Kupën e Botës 2010, Euro 2008 dhe 2012.

Tek Real Madridi si futbollist ka luajtur mes viteve 2009 dhe 2016, ai zhvilloi 238 ndeshje me ekipin e parë të Real Madridit, në një nga periudhat më të suksesshme në historinë e klubit.

Që nga viti 2020, ai ka drejtuar ekipet e moshave te Real Madrid, duke fituar tituj të rëndësishëm me Juvenil A, përfshirë tripletën historike në sezonin 2022/23.

Emërimi i tij te Castilla është një hap i madh drejt së ardhmes të tij si trajner. Ai do ta zëvendësojë Raul Gonzalezin i cili ditë më parë u largua nga timoni i Castillas./Arbresh.info